సంకోచాలు: వాటి అర్థం & వాటిలో రకాలు (Contractions: What They Mean & Their Types in Telugu)

గర్భధారణలో కాంట్రాక్షన్ అంటే ఏమిటి? (What is Contraction During Pregnancy in Telugu?)

గర్భధారణ సమయంలో గర్భాశయం బిగుతుగా మారడం మరియు సంకోచించడాన్ని సంకోచంగా నిర్వచించవచ్చు. ఇది శిశువును ప్రపంచంలోకి తీసుకురావడానికి ఉద్దేశించిన సహజ ప్రక్రియ. గర్భధారణ సమయంలో సంకోచం అంటే ఏమిటి - సంకోచం సమయంలో, గర్భాశయం కుదించబడి, బిగుతుగా అవుతుంది. దాని ఫలితంగా నెమ్మదిగా బిడ్డను కడుపు నుండి బయటకు నెట్టివేస్తుంది. చాలామంది మహిళలు తమ గర్భం ముగిసే సమయానికి సంకోచాలను అనుభవించడం ప్రారంభిస్తారు.

సంకోచాల రకాలు (Types of Contractions in Telugu)

కొంతమంది మహిళలు గర్భం యొక్క వివిధ దశలలో సంకోచాలను అనుభవిస్తారు. ఈ ప్రారంభ సంకోచాలు సాధారణంగా ప్రమాదకరం కాదు. అవి కొన్ని నిమిషాల్లో తగ్గిపోతాయి. గర్భిణీ స్త్రీలలో సంకోచాల గురించి బాగా అర్థం చేసుకోవడానికి వాటిని క్రింది రకాలుగా వర్గీకరించబడ్డాయి.

1. ఎర్లీ లేదా ప్రీ-టర్మ్ సంకోచాలు - గర్భం దాల్చిన 37వ వారానికి ముందు వచ్చే సంకోచాలను ప్రీ-టర్మ్ సంకోచాలు అంటారు. ఇక్కడ, తల్లి కొన్ని నిమిషాల పాటు సంకోచాలు, అసౌకర్యాన్ని అనుభవించవచ్చు. డీహైడ్రేషన్, ఒత్తిడి, మలబద్ధకం మరియు గ్యాస్ ప్రారంభ సంకోచాలకు కారణం కావచ్చు.

2. బ్రాక్స్టన్-హిక్స్ సంకోచాలు - 2వ త్రైమాసికంలో అనుభవించే సంకోచాలను బ్రాక్స్టన్-హిక్స్ సంకోచాలుగా పిలుస్తారు. అవి కొన్ని నిమిషాలు ఉంటాయి. అవి సాధారణంగా ఎక్కువ శారీరక శ్రమతో వస్తాయి.

3. సెక్స్ సంకోచాలు - ఈ పేరు సూచించినట్లుగా, ఈ సంకోచాలు భావప్రాప్తి ద్వారా ప్రేరేపించబడతాయి. ఒక గంట తర్వాత కూడా సంకోచాలు కొనసాగితే డాక్టర్‌ను సంప్రదించమని సిఫార్సు చేయబడుతుంది.

4. లేబర్ సంకోచాలు - ఈ సంకోచాలు గర్భం చివరిలో స్త్రీలు అనుభవిస్తారు. తల్లులు తరచుగా సంకోచాలను అనుభవిస్తారు. నొప్పి కూడా కాలక్రమేణా తీవ్రమవుతుంది. సురక్షితమైన డెలివరీని నిర్ధారించడానికి ఈ సమయంలో వైద్య సహాయం అవసరం.

మీకు ఇది కూడా నచ్చుతుంది: తెలుసుకోండి: డెలివరీ అవుతున్నట్లు అనిపించే 3 లక్షణాలు

లేబర్ సంకోచాలు ప్రారంభమైనప్పుడు ఏమి చేయాలి? (What to Do When Labour Contractions in Telugu?)

లేబర్ సంకోచాలు సాధారణంగా గర్భం చివరిలో ప్రారంభమవుతాయి. తల్లులు అప్రమత్తంగా ఉండాలి. వారు సంకోచాలను గమనించాలి. తప్పుడు సంకోచాల కంటే లేబర్ సంకోచాలు చాలా తరచుగా మరియు తీవ్రంగా ఉంటాయి. ఈ క్రింది లక్షణాలు ఉన్నప్పుడు మంత్రసానులు తల్లులను ఆసుపత్రికి లేదా ప్రసవ కేంద్రానికి వెళ్లాలని సిఫార్సు చేస్తారు

• సంకోచాలు ఒక నిమిషం కంటే ఎక్కువసేపు ఉన్నప్పుడు
• సంకోచాల ఫ్రీక్వెన్సీ పెరగడం మరియు తీవ్రమవడం జరిగినప్పుడు
• సంకోచాలు 5 నిమిషాల కంటే తక్కువ వ్యవధి లో వచ్చినప్పుడు

ప్రసవ సంకోచాలు ప్రారంభమైనప్పుడు సరైన వైద్య సహాయం పొందడం ఆరోగ్యకరమైన ప్రసవానికి అవసరం.

లేబర్ సంకోచాలలో దశలు (Stages of Labor Contractions in Telugu)

లేబర్ సంకోచాలు తీవ్రమైన సంకోచాలుగా ప్రారంభం కావు. వాస్తవానికి, చాలా మంది స్త్రీలు అసలు లేబర్ సంకోచాలను పొందక ముందే తప్పుడు సంకోచాలను అనుభవిస్తారు. గర్భిణీ స్త్రీలు వారి గర్భం చివరిలో అనుభవించే ఈ సంకోచాలను 2 వర్గాలుగా విభజించవచ్చు.

1. ఫాల్స్ లేబర్ - ఈ సంకోచాలు తరచుగా రావు మరియు తల్లి విశ్రాంతి తీసుకుంటే లేదా తన స్థానాన్ని మార్చుకుంటే సాధారణంగా తగ్గిపోతాయి. తప్పుడు లేబర్ సంకోచాలు తరచుగా క్రియాశీల లేబర్ సంకోచాలకు పూర్వగామిగా ప్రారంభమవుతాయి. ఈ సంకోచాలు డెలివరీ కోసం శరీరం యొక్క సంసిద్ధతకు సహజ సూచన.

2. యాక్టీవ్ లేబర్ - సంకోచాలు తీవ్రతరం అయి మరియు వాటి ఫ్రీక్వెన్సీ పెరిగినప్పుడు, దానిని యాక్టీవ్ లేబర్ అంటారు. ఈ సంకోచాలు సాధారణంగా గర్భం చివరిలో ప్రారంభమవుతాయి మరియు ప్రసవానికి ఖచ్చితంగా సంకేతం. తీవ్రమైన సంకోచాలను ఎదుర్కొంటున్న తల్లులు ఈ దశలో వెంటనే వైద్య సహాయం తీసుకోవాలి.

లేబర్‌కి సంకేతాలు ఏమిటి? (What are the Signs of Labor in Telugu?)

కొన్నిసార్లు తల్లులు తాము ఏమి చేస్తున్నారో అర్థం చేసుకోవడం కష్టం. కొంతమంది తల్లులు ఫాల్స్ లేబర్ మరియు యాక్టీవ్ లేబర్ మధ్య తేడాను గుర్తించలేరు. ఫలితంగా.. వారు అనుభవించే ప్రతి సంకోచంపై వారు ఒత్తిడికి గురవుతారు.

యాక్టీవ్ లేబర్ సమయంలో తల్లులకు సరైన వైద్య సహాయం అవసరం. తల్లులకు యాక్టీవ్ లేబర్‌ను సూచించే కొన్ని సంకేతాలు:

1. వారి సంకోచాల యొక్క పెరుగుతున్న తీవ్రత మరియు వ్యవధి

2. వెన్నెముక క్రిందిభాగం మరియు పొత్తికడుపులో స్థిరమైన నొప్పి అనుభూతి

3. బ్రౌన్ లేదా రక్తంతో కూడిన యోని డిశ్చార్జ్

4. అమ్నియోటిక్ ఫ్లూయిడ్ డిశ్చార్జ్ (వాటర్ బ్రేకింగ్)

సంకోచాలు కలిగినప్పుడు రిలాక్స్‌గా ఉండడం ఎలా? (How to Stay Relaxed At the Time of Contractions in Telugu?)

సంకోచాలు మరియు మొత్తం లేబర్ అనుభవం ప్రతి తల్లికి భిన్నంగా ఉంటుంది. కొంతమంది స్త్రీలు 24 గంటల కంటే ఎక్కువ సేపు ప్రసవ నొప్పులకు గురవుతారు. మరికొందరు ఈ ప్రక్రియను త్వరగా అనుభవిస్తారు. అనుభవజ్ఞులైన తల్లుల కంటే మొదటిసారి తల్లులు ఎక్కువ శ్రమను కలిగి ఉండటం విలక్షణంగా గమనించడం జరిగింది. సందర్భం ఏదైనా.. సంకోచాలు బాధాకరమైనవి మరియు తల్లికి చాలా బాధను కలిగిస్తాయి. తల్లులు తమ సంకోచాలను మెరుగ్గా నిర్వహించడానికి మరియు రిలాక్స్‌గా ఉండటానికి సహాయపడే కొన్ని చిట్కాలు:

1. మసాజ్ చేయించుకోండి
2. సంగీతం వినండి
3. వేరే దేనిమీదికైనా ధ్యాసను మళ్లించండి
4. శ్వాస మీద దృష్టి పెట్టండి
5. చురుకుగా ఉండండి
6. నొప్పి నివారణ మందులు కోసం అభ్యర్థన చేయండి

మీ వైద్యుడిని ఎప్పుడు సంప్రదించాలి (When to Call Doctor?)

వారు యాక్టీవ్ లేబర్ లక్షణాలను కలిగిఉన్నామని గమనించినప్పుడు తల్లులు వారి వైద్యులను సంప్రదించాలి. చాలా మంది ఆరోగ్య సంరక్షణ సిబ్బంది తల్లులు తమ ఆక్టివ్ లేబర్‌ను ప్రారంభించిన తర్వాత ఆసుపత్రికి లేదా ప్రసవ కేంద్రానికి వెళ్లమని సలహా ఇస్తారు. ఇది తల్లులకు వారి ఆసుపత్రిలో ఉండే వ్యవధిని తగ్గించడానికి మరియు వారి ఇళ్లలో విశ్రాంతి తీసుకోవడానికి సహాయపడుతుంది.

ముగింపు (Conclusion)

గర్భం అనేది చాలా మంది తల్లులకు సంతోషకరమైన అనుభవం. కానీ కొందరు చివరి దశ గురించి భయపడతారు. లేబర్ ప్రక్రియపై వారికి ఉన్న అపోహలే ఇందుకు కారణం. కొత్త తల్లులు సంకోచాలు మరియు లేబర్ గురించి అన్ని విషయాలను నేర్చుకోవడం ద్వారా వారి ప్రసవానికి సిద్ధంగా ఉండాలి. గర్భం మరియు డెలివరీ గురించి మరింత తెలుసుకోవడానికి మైలో యాప్‌ని చూడండి.

Tags:

What are contractions in telugu, Contractions during pregnancy in telugu, Types of Contractions during pregnancy in telugu, How to identify labor Contractions during pregnancy in telugu, signs of labor Contractions in telugu.